Share This Post

Important / News

සහය දෙන මුවාවෙන් ඇමෙරිකාව එන්නේ ලංකාවේ යුද තිප්පලක් හදාගන්නයි

සහය දෙන මුවාවෙන් ඇමෙරිකාව එන්නේ ලංකාවේ යුද තිප්පලක් හදාගන්නයි

ඉස්ලාම් අන්තවාදය මැඞීමට සහය දෙන බව කියමින් ශ්‍රී ලංකාව තමන්ගේ යුද තිප්පොළක් බවට පත්කරගැනීමට ඇමෙරිකාව උත්සාහ කරන බවත්, එයට ඉඩ නොදී අපේ රණවිරුවන් ශක්තිමත් කර එම අන්තවාදය මැඞීමට රජය පියවර ගත යුතු බවත් ජාතික නිදහස් පෙරමුණේ පාර්ලිමේන්තු මන්ත‍්‍රී ජයන්ත සමරවීර මහතා පැවසීය.

ඇමෙරිකානු එෆ්.බී.අයි, එම්.අයි 5 වැනි ආරක්‍ෂක අංශ මෙරටට පැමිණීම තුළින් ශ්‍රී ලංකාව සිරියාවක්, ලිබියාවක් හෝ ඇෆ්ඝනිස්ථානයක් විය හැකි බවද මන්ත‍්‍රීවරයා සඳහන් කළේය.

බෙදුම්වාදී කොටි ත‍්‍රස්තවාදය පැවති සමයේ ශ්‍රී ලංකාවට සහය නොදුන් ඇමෙරිකාව දැන් සහය දක්වන්නට යාමේ යටි අරමුණ වටහාගත යුතු බවද සමරවීර මහතා වැඩිදුරටත් කියා සිටියේය.

මන්ත‍්‍රීවරයා මේ බව පැවසුවේ පිටකෝට්ටේ පිහිටි ජාතික නිදහස් පෙරමුණු කාර්යාලයේදී අද (25) පැවති මාධ්‍ය හමුවක් අමතමිනි.

ලොව බිහිසුණුම ත‍්‍රස්තවාදය වූ කොටි ත‍්‍රස්තවාදය පරාජය කළේ මෙරට හමුදාවන් මිස එෆ්.බී.අයි නොවන බැවින් ඇමෙරිකානු ආරක්‍ෂක අංශවල අවශ්‍යතාවක් මෙරටට නොමැති බවද හෙතෙම පැවසීය.

Share This Post

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Support Sri Lanka