News

රණවිරු සුනිල් රත්නායක නිදහස් වී ගෙදර යයි…

මිරුසුවිල් යුද හමුදා කඳවුර ආසන්නයේදී අට දෙනකු මරාදැමීම සම්බන්ධයෙන් මරණීය දණ්ඩනය නියම වුණු යුද හමුදා විශේෂ බළකායේ මාණ්ඩලික සැරයන් සුනිල් රත්නායකට ජනාධිපති සමාව යටතේ නිදහස් කර තිබෙනවා. වර්ෂ 2000 දෙසැම්බර් 20 වැනිදා යාපනයේ මිරුසුවිල් හමුදා කඳවුර ආසන්න ප්‍රදේශයේ කළ ක්‍රියාන්විතයේදී ද්‍රවිඩ ජාතිකයන් අට දෙනකු ඝාතනය කළ බවට චෝදනා කරමින් මාණ්ඩලික සැරයන් සුනිල් රත්නායක ඇතුළු සෙබළුන් 14 දෙනකු අත්අඩංගුවට ගෙන තිබුණේ එවකට පැවැති රජයේ නියෝග මතයි. එම සෙබළුන් චාවකච්චේරි මහෙස්ත්‍රාත් උසාවියෙන් රිමාන්ඩ් භාරයට පත්කර ඇප මත නිදහස් කළ අතර කොළඹ මහාධිකරණයේ නඩු විභාගයකින් පසුව පළමු විත්තිකරු වූ සුනිල් රත්නායකට මරණීය දණ්ඩනය නියම වුණා. වසර දහතුනක නඩු තීන්දුවකින් පසුව සුනිල් රත්නායකට මරණීය දණ්ඩනය නියම වූ අතර සෙසු පිරිස නිදොස් කොට නිදහස් කරනු ලැබුවා.

ශී‍්‍ර ලංකාවට සම්බාධක දාන්න බි‍්‍රතාන්‍යයේ සුදානමක්!

හමුදාපති ශවේන්ද්‍ර සිල්වාට එරෙහිව ශී‍්‍ර ලංකා රජය කි‍්‍රයා නොකිරීම සම්බන්ධයෙන් බි‍්‍රතාන්‍ය රජය මෙරටට සම්බාධක පැනවීමට අදහස් කර ඇත. මේවා බි‍්‍රතාන්‍ය පොදුරාජ්‍ය මණ්ඩල කටයුතු රාජ්‍ය අමාත්‍ය නීජල් ඇඩම්ස් පාර්ලිමේන්තුවේදී පවසා තිබේ. බි‍්‍රතාන්‍ය ලේබර් පක්‍ෂ මන්ති‍්‍ර අජසල්කාන් ප‍්‍රතිචාර දක්වමින් එරට රාජ්‍ය ඇමතිවරයා මේ බව පවසා ඇත. එසේම වගවීමට අදාළ ජිනිවා යොජනාව කි‍්‍රයාත්මක කරන ලෙස බි‍්‍රතාන්‍ය රජය ශී‍්‍ර ලංකාවෙන් ඉල්ලා සිටී.

එජා විශේෂ නියෝජිතගේ ජිනීවා වාර්තාව රජය ප්‍රතික්‌ෂේප කරයි…

ශ‍්‍රී ලංකාවේ ආරක්‍ෂක හමුදාව මැර කණ්ඩායම් සමඟ එකතු වී ආගමික පාර්ශ්වවලට පහරදුන් බවට චෝදනා කරමින් එක්සත් ජාතීන්ගේ විශේෂ නියෝජිත අහමද් ෂහිද් ජිනීවා මානව හිමිකම් කවුන්සිලයට ඉදිරිපත් කර තිබූ වාර්තාව ශ‍්‍රී ලංකා රජය ප්‍රතික්‌ෂේප කර ඇත. සාවද්‍ය තොරතුරු රැසක් රැගත් මේ වාර්තාවෙන් බෞද්ධ භික්‍ෂූන් වහන්සේටද චෝදනා එල්ල කර තිබුණි. මාර්තු 2 දා සවස මේ වාර්තාව මානව හිමිකම් සමුළුව වෙත ඉදිරිපත් කර තිබුණි. 2019 වසරේ ශ‍්‍රී ලංකාවට පැමිණි එක්සත් ජාතීන්ගේ නියෝජිත අහ්මද් ෂහිද් මාවනැල්ල බුදුපිළිම කැඞීම සහ මාවනැල්ල ඉඩමක තිබී පුපුරණ ද්‍රව්‍ය සොයාගැනීමේ සිද්ධිය තම වාර්තාවට ඇතුළත් කර නොතිබුණි. මොහුගේ එම වාර්තාව ප‍්‍රතික්‍ෂේප කරමින් ජිනීවාහි වැඩබලන ශ‍්‍රී ලංකා නිත්‍ය නියෝජිත දයානි මෙන්ඩිස් මානව හිමිකම් සමුළුව අමතා පැවසුවේ එකී වාර්තාව වැරදි සහගත බවයි.

උතුර නැගෙනහිරට ස්වයං පාලනයක් ඕනෑ…කොටි ඩයස්පෝරාව මානව හිමිකම් කොමිසමෙන් ඉල්ලයි…

උතුර නැගෙනහිර ද්‍රවිඩ ජනතාව හමුදා පාලනය යටතේ සිටින බව දක්වමින් ඔවුන්ට ස්වයංපාලනය ලබාදීමට කි‍්‍රයාකරන ලෙස ඉල්ලන ලිඛිත යෝජනාවක් කොටි ඩයස්පෝරාව මානව හිමිකම් කවුන්සිලයට ඉදිරිපත් කර ඇත. මෙම ස්වයංපාලන යෝජනාව රහසිගතව මානව හිමිකම් කවුන්සිලයට යොමුකර ඇත්තේ ප‍්‍රංශ කොටි ඩයස්පෝරා ප‍්‍රධානි මරියදාස් බොස්කෝ බව අනාවරණය වී තිබේ. මියගිය කොටි කි‍්‍රයාකාරීන්ගේ සහ අතුරුදන් වූවන්ගේ පවුල්වලට රහස් පොලිසිය හිරිහැර කරන බවත් උතුරේ ජනතාවට ඒකරාශීවීමට හමුදාව ඉඩ නොදෙන බවටත් මෙම ලිඛිත යෝජනාවේ දක්වා තිබේ. එසේම උතුරේ සිංහල පොලිසිය සහ හමුදාව විශාල ලෙස ස්ථානගතව සිටින බවද රජය ති‍්‍රකුණාමලයේ සිංහල ජනතාව පදිංචි කර ඇති බවද එහි තවදුරටත් සඳහන් කර ඇත.

ජිනීවා යෝජනාවෙන් ශී‍්‍ර ලංකාව ඉවත් වීම ගැන රටවල් 31 ක විරෝධය…

ජිනීවා යෝජනාවෙන් ශී‍්‍ර ලංකා රජය ඉවත්වීම ගැන රටවල් 31 ක් එරෙහි වී ඇත. යුරෝපා සංගමය ප‍්‍රමුඛ කැනඩාව ද එම රටවල් අතර වේ. මෙම රටවල් 31 දක්වා ඇත්තේ ශී‍්‍ර ලංකාවේ හමුදාවට එල්ල වී ඇති යුද අපරාධ චෝදනා විමර්ශනය කිරීම, සංහිඳියා කි‍්‍රයාමාර්ගය ඉටුකිරීම සහ ආරක්‍ෂක හමුදා ප‍්‍රතිසංස්කරණය කළ යුතු බවයි. ජිනීවා යෝජනාවෙන් ශී‍්‍ර ලංකාව ඉවත් වුවද එම යෝජනාව 2021 මාර්තු මස යළි 46 වන මානව හිමිකම් සමුළුව වෙත ඉදිරිපත් කෙරෙනු ඇත. මේ අතර ශී‍්‍ර ලංකාවේ ආරක්‍ෂක හමුදාවලට අදාළ තවත් විමර්ශන වාර්තාවක් ඊයේ (02 දා* මානව හිමිකම් සමුළුවට ඉදිරිපත් කර තිබේ.

දේශීය යාන්ත‍්‍රණය ප‍්‍රතික්‍ෂේප කරයි… මානව හිමිකම් කොමසාරිස් ශී‍්‍ර ලංකාවට රතු කොඩි පෙන්වයි…

ජිනීවා යෝජනාවෙන් ශී‍්‍ර ලංකාව ඉවත්වීම ගැන මානව හිමිකම් කොමසාරිස් මිචෙල් බැචලට් ශී‍්‍ර ලංකා රජයට අනතුරු අඟවා ඇත. ඇය දේශීය යාන්ත‍්‍රණයක් ප‍්‍රතික්‍ෂේප කර තිබේ. ඇයට සමගාමීව ජිනීවා යෝජනාවේ සම අනුග‍්‍රාහකයන් වූ යුරෝපා සංගමය ද මානව හිමිකම් සැසිවාරය තුළ ප‍්‍රකාශයක් කරමින් ජිනීවා යෝජනාව තවදුරටත් කි‍්‍රයාත්මක කරන ලෙස ඉල්ලා තිබේ. එසේම මානව හිමිකම් කොමසාරිස්වරිය තවදුරටත් දක්වා ඇත්තේ ශී‍්‍ර ලංකා හමුදාවට එරෙහි වගවීමේ කි‍්‍රයාවලිය ඉදිරියට ගෙන යා හැකි කි‍්‍රයාමාර්ග විමර්ශනය කරන ලෙසය. මේ හැර මානව හිමිකම් උල්ලංඝනය වීම ගැන සෙවීමට රජය කොමිසමක් පත් කරන බව කළ ප‍්‍රකාශය ද ඇය පිළිගෙන නැත.

ජිනීවා සමුළුව නේස්බි සාමිගේ වාර්තාව ඉවත දමයි…

වන්නි මෙහෙයුමේදී මියගිය සිවිල් වැසියන් සංඛ්‍යාව හයදහසක් බවට බි‍්‍රතාන්‍යයේ නේස්බි සාමිවරයා ඉදිරිපත් කළ රහස් වාර්තාව පිළිගැනීම මානව හිමිකම් කවුන්සිලය විසින් ප‍්‍රතික්‍ෂේප කර ඇත.මානව හිමිකම් කවුන්සිලය එම සත්‍ය රහස් වාර්තාව වෙනුවට පිළිගෙන ඇත්තේ කොටි ඩයස්පෝරාව සහ හිටපු එක්සත් ජාතීන්ගේ නිලධාරිනි යස්මින් සුකා ගොනුකළ මියගිය ද්‍රවිඩ සිවිල් වැසියන් සංඛ්‍යාව හතළිස් දහසක් (40,000 ක්* බව දැක්වෙන වාර්තාවයි. වන්නි මෙහෙයුම සමයේ මෙරට සිටි බි‍්‍රතාන්‍ය ආරක්‍ෂක උපදේශක කර්නල් ඇන්ටන් ගෑෂ් විසින් මෙම රහස් වාර්තාව බි‍්‍රතාන්‍ය විදේශ කටයුතු අමාත්‍යාංශය වෙත යවා තිබිණි. සුකා විසින් ඇගේ වාර්තාව 2019 දී සංශෝධනය කරමින් මියගිය සිවිල් වැසියන් සංඛ්‍යාව හතළිස් දහසේ සිට හැත්තෑපන්දහස දක්වා වැඩි කර ඇත. මේ ගැන ලන්ඩන් නුවර සිට ඉරිදා දිවයිනට ප‍්‍රකාශයක් කළ නේස්බි සාමිවරයා පැවසුවේ ඇය බොරු වාර්තා ඉදිරිපත් කර මානව හිමිකම් කවුන්සි...

විදේශ ඇමති සහ මානව හිමිකම් කොමසාරිස්වරිය අතර හමුවක්…

විදේශ සබඳතා අමාත්‍ය දිනේෂ් ගුණවර්ධන මහතා එක්සත් ජාතීන්ගේ සංවිධානයේ මානව හිමිකම් පිළිබඳ මහ කොමසාරිස් මිචෙල් බැචිලෙට් මහත්මිය හමුවී සාකච්ඡා කර ඇත. ඊයේ පස්වරුවේ ජිනීවා හිදී මෙම සාකච්ඡා පැවති බවයි විදේශ සබඳතා අමාත්‍යාංශය සඳහන් කළේ. 40/1 යෝජනාවේ සම අනුග්‍රාහකත්වයෙන් ඉවත් වීමට ගත් පියවර සහ ඊට හේතු වූ කරුණු පිළිබඳව අමාත්‍යවරයා යලිත් වරක් මෙහිදී මහ කොමසාරිස්වරිය හමුවේ අවධාරණය කර ඇත. සම අනුග්‍රාහකත්වයෙන් ඉවත් වුවද දේශීය යාන්ත්‍රණයක් හරහා තිරසර සාමය සහ සංහිදියාව සඳහා ආණ්ඩුක්‍රම ව්‍යවස්ථාවේ වගවීම සහ මානව හිමිකම් සාක්ෂාත් කර ගැනීම සඳහා රජය කැපවන බව ද අමාත්‍යවරයා මෙහිදී සඳහන් කළ බවයි විදේශ සබඳතා අමාත්‍යාංශය පැවසුවේ. එමෙන්ම තිරසර සංවර්ධන ඉලක්ක ක්‍රියාත්මක කිරීම සඳහා එක්සත් ජාතීන්ගේ සහ එහි නියෝජිත ආයතනවල සහය ඇතිව අඛණ්ඩව ක්‍රියාත්මක කරන බව ද අමාත්‍යවරයා මෙහිදී ප්‍රකාශ කර ඇත. මෙහිදී අදහස් දක්වා ඇති එක්සත් ...

ශී‍්‍ර ලංකාව ගැන ජිනීවා කොමිසම අවධානයෙන්…

ශී‍්‍ර ලංකාව ජිනීවා යෝජනාව කි‍්‍රයාත්මක කරන අන්දම ගැන මානව හිමිකම් කවුන්සිලය නිරීක්ෂණයක් කරන බව මානව හිමිකම් කොමසාරිස් මිචෙලි බැචලට් මහත්මිය ඊයේ (27 දා* ජිනීවා මානව හිමිකම් සමුළුව අමතමින් ප‍්‍රකාශ කළාය. ඇය මෙම ප‍්‍රකාශය කළේ ශී‍්‍ර ලංකා රජය ජිනීවා යෝජනාවෙන් ඉවත් වන බව නිල වශයෙන්් දැනුම් දී ඇති අවස්ථාවකය. මෙවර නිදහස් දින උත්සවයේදී ශී‍්‍ර ලංකාව ජාතික ගීය ද්‍රවිඩ භාෂාවෙන් ගායනා කිරීමට ඉඩ නොදීම ගැන ද ඇය කනගාටුවට පළ කර ඇත. රජය ආරක්ෂක හේතූන් මත කාන්තාවන්ට මුළුමනින්ම මුහුණ වසා ගැනීම තහනම් කර ඇති බවට ද චෝදනා කළාය. සත්‍ය සෙවීමේ කොමිසම ස්ථාපිත කිරීමට මෙතෙක් කි‍්‍රයා කර නැති බව ද පාස්කු ඉරිදා ප‍්‍රහාරයෙන් පසු සැකකරුවන් 200 ක් රැඳවුම් භාරයේ සිටීම ගැන ද සිය අප‍්‍රසාදය පළ කළාය.

ශී‍්‍ර ලංකාවට එරෙහි යෝජනාව ඉදිරියටම ගෙන යන්න… කොටි ඩයස්පෝරා සංවිධාන 35 ක් ඉල්ලයි..

ශී‍්‍ර ලංකාවට එරෙහි ජිනීවා යෝජනාව ඉදිරියටම ගෙන යන ලෙස කොටි ඩයස්පෝරා සංවිධාන 35 ක් ජිනීවා මානව හිමිකම් කොමසාරිස් මිචෙලි බැචලට් ගෙන් ඉල්ලා ඇත. මේ යෝජනාව සම්මත වූවක් නිිසා මානව හිමිකම් කවුන්සිලයට එය ඉදිරියටම ගෙන යා හැකි බව එම සංවිධාන කියා සිටී. මේ අතර ජිනීවා යෝජනාවෙන් ශී‍්‍ර ලංකා රජය ඉල්ලා අස් වුවත් එය 2021 මාර්තු මස යළි මානව හිමිකම් කවුන්සිලයට ඉදිරිපත් කෙරේ. එහිදී ඡුන්ද විමසීමක් ද පැවැත්වෙනු ඇත. 2015 සැප්තැම්බර් මස සම්මත වූ ජිනීවා යෝජනාවෙන් ශී‍්‍ර ලංකා රජය ඉල්ලා අස්වීම පිළිගන්නේද නැද්ද යන්න ගැන මානව හිමිකම් කවුන්සිලය ලබන සතියේදී තීරණයක් දීමට නියමිතය.

දිනේෂ් ගුණවර්ධන එක්සත් ජාතීන්ගේ මානව හිමිකම් කවුන්සිලයේදී බොරළුගොඩ සිංහනාදය පතුරුවයි!

විදේශ සබඳතා,නිපුනතා සංවර්ධන ,රැකීරක්ෂා සහ කම්කරු සබඳතා අමාත්‍යය ගරු දිනේෂ් ගුණවර්ධන මහතා අද ජිනීවා නුවර එක්සත් එක්සත් ජාතීන්ගේ කාර්යාලයේ පැවති මානව හිමිකම් කවුන්සිලයේ 7වන සමුළුවේ 43 වන ස්ථාවර සභාවාරය අමතමින් සිය වාග් කෞෂල්‍යය මෙන්ම ජාතිමාමකත්වය මොනවට ප්‍රදර්ශනය කරමින් වාදාභිසිංහයෙකුගේ භූමිකාව මෙන්ම සෑබෑ ලාංකීය දේශප්‍රේමියා කවුදැයි යන්න ලෝකයට ප්‍රදර්ශනය කරන අතිශය වැදගත් දේශනයක් ඉදිරිපත් කළ බව ජිනීවා නුවර ආරංචි මාර්ග පවසයි. පසුගිය රජය කරනු ලැබූ ලාංකේය රණවිරුවා පාවාදීමේ සැලසුම් සියල්ල ආපසු හැරවීමට සමත් ප්‍රවේශයක් ශ්‍රී ලංකා රජයට ගත හැකි බව ජගත් මානව හිමිකම් කවුන්සිල වේදිකාව මතදීම තහවුරු කිරීමට දිනේෂ් ගුණවර්ධන අමාත්‍යයවරයා සමත් වූ බව ජිනිවා මානව හිමිකම් සමුළුවට සහභාගි වී සිටින ශ්‍රී ලංකාවට හිතැති විදේශිකයන් පවසන බවද අප වෙත වාර්තා වේ. අමාත්‍යයවරයාගේ මැදිහත්වීම සම්බන්ධයෙන් අප දේශහිතෛෂී ජාතික ව්‍...

ජනපතිගේ ප‍්‍රකාශය ගැන කොටි ඩයස්පෝරාවෙන් ජිනීවාට පැමිණිල්ලක්…

අතුරුදන් වූවන් මියගොස් ඇති බවට ජනාධිපති ගෝඨාභය රාජපක්‍ෂ මහතා කළ ප‍්‍රකාශය ගැන කොටි ඩයස්පෝරාව ජිනීවා මානව හිමිකම් කවුන්සිලයට පැමිණිල්ලක් කර ඇත. යාපනයේ රාජ්‍ය නොවන සංවිධාන සංසදය වෙනුවෙන් ප‍්‍රංශ කොටි ඩයස්පෝරාව මෙම පැමිණිල්ල කර තිබේ. මෙම පැමිණිල්ලේ ආරක්‍ෂක ලේකම් කමල් ගුණවර්ධන සහ හමුදාපති ශවේන්ද්‍ර සිල්වා යන මහත්වරුන්ගේ නම්ද සඳහන් කර ඇත. ජිනීවා නුවර ඉහළ පෙළේ ආරංචි මාර්ග පැවසුවේ ප‍්‍රංශ කොටි ඩයස්පෝරාවේ නායක මරියදාස් බොස්තෝ විසින් මේ පැමිණිල්ල ගොනුකර ඇති බවයි.